Entitate gasteiztarrak Korrikaren kilometroetako bat eskuratu du.
Baskonia Alaves Taldea, Baskonia Alaves Fundazioaren eskutik, Korrikaren edizio berri baten parte izango da, martxa osatzen duten kilometroetako bat eskuratu ondoren.
Euskal Herri osoan zehar egiten den euskararen aldeko ekimenak XXIV. edizioa ospatuko du aurten. Ostegun honetan bertan, martxoaren 19an, abiatuko da Atharratzetik eta hamar egunez Euskal Herriko txokoak zeharkatuko ditu martxoaren 29an, igandea, Bilbora iritsi arte.
Korrika martxoaren 27an, ostirala, igaroko da Gasteizko kaleetatik eta Wellingtongo dukea kalea 16 izango da Baskonia Alaves Taldeko kilometroaren abiapuntua. 23:21ak aldera aurreikusten da lekuko-hartzea eta bertan izango dira Aker eta Babazorro.
Baskonia Alaves Fundaziotik gonbidapena luzatzen diegu familia urdin-gorri eta urdin-zuri guztiei, Korrika babesteko eta aipatutako kilometroan gure taldeen koloreak erakusteko.
Ibilbide zehatza, ekitaldien agenda, jokoak eta beste xehetasun interesgarri batzuk Korrikaren aplikazioan kontsulta daitezke.
